سپیکر قومی اسمبلی سردار ایاز صادق کا گلوکار عاطف اسلم کے والد محمد اسلم کے انتقال پر اظہار افسوس

اسلام آباد۔13اگست (اے پی پی):سپیکر قومی اسمبلی سردار ایاز صادق نے گلوکار عاطف اسلم کے والد محمد اسلم کے انتقال پر اظہار افسوس کیا ہے ۔ بدھ کو اپنے ایک تعزیتی پیغام میں انہوں نے عاطف اسلم اور انکے خاندان سے دلی ہمدردی اور تعزیت کا اظہار کرتے ہوئے کہا کہ والدین قدرت کا انمول تحفہ ہیں انکا بچھڑ جانا ناقابل تلافی نقصان اور بڑا صدمہ ہے۔

غم اور دکھ کی گھڑی میں عاطف اسلم اور انکے اہلخانہ کے غم میں برابر کا شریک ہوں۔اللہ تعالیٰ مرحوم کو جوارِ رحمت میں اعلیٰ مقام عطا فرمائے۔