اسلام آباد۔25اپریل (اے پی پی):سپیکر قومی اسمبلی سردار ایاز صادق نے کوئٹہ کے علاقے میں بارودی سرنگ کے دھماکے کی مذمت کرتے ہوئےدھماکے میں شہید ہونے والے 4 ایف سی جوانوں کو خراج عقیدت پیش کیا ہے ۔
جمعہ کو اپنے مذمتی پیغام میں انہوں نے شہید ایف سی جوانوں کے اہلخانہ سے دلی ہمدردی اور تعزیت کا اظہار کیا اور زخمی اہلکاروں کی جلد صحت یابی کیلئے دعا کی۔ سپیکر نے کہا کہ ایف سی کے بہادر سپوتوں کی قربانیاں رائیگاں نہیں جائیں گی، دہشت گردی کے خلاف جنگ میں ایف سی کے جوانوں کی قربانیاں کو ہمیشہ یاد رکھا جائے گا۔
انہوں نے کہا کہ شرپسند عناصر ملک میں عدم استحکام پیدا کرنے کی گھناؤنی سازش میں ملوث ہیں، ملک کے امن کو سبوتاژ کرنے والے عناصر اپنی مذموم سازش میں کامیاب نہیں ہوں گے۔سپیکر قومی اسمبلی نے شہداء کے درجات کی بلندی اور لواحقین کیلئے صبر جمیل کی دعا کی۔
Short Link: https://urdu.app.com.pk/urdu/?p=587882
