اسلام آباد۔9مارچ (اے پی پی):سکیورٹی فورسز کے دتہ خیل میں انٹیلی جنس بیسڈ آپریشن اور کلیئرنس آپریشن کے دوران 9 دہشت گرد مارے گئے ، مارے گئے دہشت گردوں کے قبضے سے گولہ بارود کی بھاری مقدار برآمد ہوئی ۔ آئی ایس پی آر کے مطابق سکیورٹی فورسز کے شمالی وزیرستان میں 8 مارچ سے جاری کلیئرنس آپریشن کے دوران مزید 3 دہشت گرد ہلاک ہو گئے۔
سکیورٹی فورسز کا شمالی وزیرستان کے علاقے دتہ خیل میں انٹیلی جنس بیسڈ آپریشن گزشتہ روز سے جاری ہے، 8 مارچ کو 6 دہشت گرد ہلاک ہوئے تھے ۔ کلیئرنس آپریشن کے دوران ہلاک ہونے والے دہشت گردوں کے قبضے سے اسلحہ اور گولہ بارود بھی برآمد ہوا ہے۔آئی ایس پی آر کے مطابق علاقے کے مقامی لوگوں نے سکیورٹی فورسز کی کارروائیوں کو سراہا اور علاقے سے دہشت گردی کی لعنت کو ختم کرنے کے لیے مکمل تعاون کا اظہار کیا۔
