سہ فریقی سیریز کھیلنے کیلئے جنوبی افریقا کی کرکٹ ٹیم لاہور پہنچ گئ

اسلام آباد۔7فروری (اے پی پی):پاکستان ،نیوزی لینڈ اور جنوبی افریقا کے درمیان سہ ملکی سیریز کل (ہفتہ)سے شروع ہو گی ۔ جنوبی افریقہ کی کرکٹ ٹیم سہ ملکی سیریز میں شرکت کے لئے لاہور پہنچ گئی ہے۔سیریز کھیلنے کیلئے جنوبی افریقا کی ٹیم براستہ دبئی نجی ائیر لائن سے لاہور پہنچی، جس کو سخت سیکورٹی کے حصار میں نجی ہوٹل میں پہنچا دیا گیا۔جنوبی افریقا کی ٹیم آج مکمل آرام کرے گی اور کل ہفتہ سے پریکٹس سیشن کا آغاز کرے گی۔نیوزی لینڈ کی کرکٹ ٹیم پہلے ہی لاہور پہنچ چکی ہے۔ واضح رہے کہ سہ فریقی سیریز کے افتتاحی میچ میں پاکستان ٹیم کل ہفتہ کو نیوزی لینڈ سے قذافی سٹیڈیم لاہور میں مقابلہ کرے گی۔

Short Link: https://urdu.app.com.pk/urdu/?p=557052