سیالکوٹ۔25اپریل (اے پی پی):ممبر صوبائی اسمبلی پنجاب رانا عارف اقبال ہرناہ نے گوندل روڈ کا دورہ کیا اور جاری ترقیاتی منصوبہ کا جائزہ لیا۔ ممبر صوبائی اسمبلی پنجاب نے تعمیر ہونے والی مین روڈ جاری ترقیاتی کاموں کا تفصیلی جائزہ لیا۔ دورے کے دوران انہوں نے سڑک کی تعمیر میں استعمال ہونے والے میٹریل کے معیاراور کام کی رفتارکا بغور معائنہ کیا اور موقع پر موجود ٹھیکیداروں اور متعلقہ حکام سے بریفنگ لی۔
اس موقع پر انہوں نے کام کے معیار پر زور دیتے ہوئے ہدایت دی کہ سڑک کی تعمیر میں کسی قسم کی کوتاہی برداشت نہیں کی جائے گی اور ہر ممکن کوشش کی جائے کہ عوام کو ایک پائیدار، ہموار اور معیاری سڑک فراہم کی جائے۔ انہوں نے مزید کہا کہ ترقیاتی منصوبے عوامی فلاح و بہبود کے لیے ہوتے ہیں، اس لیے ان میں شفافیت اور معیار کا خاص خیال رکھا جانا چاہیے۔
اس موقع پر انہوں نے کام کو مزید بہتر بنانے اور صفائی کا خاص خیال رکھنے کی ہدایات جاری کیں اور متعلقہ اداروں کو ہدایت دی کہ منصوبے کو مقررہ مدت میں مکمل کیا جائے تاکہ عوام جلد از جلد اس سہولت سے مستفید ہو سکیں۔
Short Link: https://urdu.app.com.pk/urdu/?p=587697
