سیالکوٹ۔11جولائی (اے پی پی):محکمہ زراعت نے پالک کے کاشتکاروں کو بہترپیداوار کے لئے بروقت آبپاشی کی ہدایت کی گئی ہے ۔ ایگری کلچر آفیسر (ٹیکنیکل )محکمہ زراعت (توسیع)سیالکوٹ ذیشان گوارائیہ نے کہا ہے کہ کاشتکار پٹڑیوں پرکاشت کی ہوئی فصل کے لئے پانی کا وقفہ 6سے8دن اورڈرل سے کاشت کی ہوئی فصل کا وقفہ 10 سے 12دن رکھیں،جب پودے تین تین پتے نکال لیں تو اس کے گچھے اکھاڑ دیں کیونکہ ایک جگہ زیادہ تعداد میں اُگے ہوئے پودوں کی بڑھوتری متاثرہ پیداوارکم ہونے کاخدشہ ہوتاہے۔
انہوں نے کہا کہ بہتر پیداوار کےلئے پودوں کی چھدرائی میں تاخیر نہ کریں کیونکہ دیر سے اکھاڑے جانے پر بچائے جانیوالے پودے بھی متاثرہوتے ہیں جبکہ کاشتکار بیجائی کے ایک ماہ بعدفصل کی گوڈی کرکے جڑی بوٹیاں تلف کردیں۔ انہوں نےکہا کہ فصل کی ہرکٹائی کے بعد ایک بوری یوریا فی ایکڑ ڈالنے سے والی کٹائی تیارہوجاتی ہے ۔ اس ضمن میں مزید رہنمائی کے لئے محکمہ زراعت کے فیلڈ سٹاف سے بھی رابطہ کیاجاسکتاہے۔
Short Link: https://urdu.app.com.pk/urdu/?p=373430
