سیالکوٹ۔12فروری (اے پی پی):سیالکوٹ کے تھانہ کوٹلی لوہاراں کی پولیس نے کارروائی کرتے ہوئے پتنگ بازی اور پتنگ فروخت کرنے والے تین افراد کو گرفتار کر لیا جبکہ ان کے قبضے سے 1139پتنگیں اور کیمیکل ڈوریں بھی قبضہ میں لے لی ہیں۔
ترجمان سیالکو ٹ پولیس کے مطابق تھانہ کوٹلی لوہاراں کی پولیس نے کارروائی کرتے ہوئے کوٹلی لوہاراں مشرقی کے علاقہ سے12پتنگیں اورضیغم عباس سے26پتنگیں جبکہ پتنگ فروش اکبر علی سے1101پتنگیں اور9کیمیکل ڈوریں برآمد کیں اور انکے خلاف مقدمات درج کرکے تفتیش شروع کردی ہے۔
