اسلام آباد۔3ستمبر (اے پی پی):وفاقی، صوبائی حکومتوں اور مسلح افواج کے نمائندوں کے مشتمل نیشنل فلڈ ریسپانس کوآرڈینیشن سینٹر (این ایف آر سی سی) کے قیام کا مقصد ریسکیو، ریلیف اور بحالی/تعمیراتی سرگرمیوں کے دوران امدادی کوششوں کو بہتر انداز میں مربوط اور ہم آہنگی بنانا ہے۔
ایک سرکاری نوٹیفکیشن کے مطابق، این ایف آر سی سی کے قیام سے ملکی و غیر ملکی امدادی کوششوں کو ہم آہنگ کرتے ہوئے سیلاب کی موجودہ صورتحال کے ردعمل کے مختلف پہلوں کے جائزہ، منصوبہ بندی، عمل درآمد اور مربوط کرنے میں مدد ملے گی ۔ اس کے علاوہ این ایف آر سی سی مستقبل میں آنے والی ایسی آفات سے نمٹنے کے لئے قومی نظام/بنیادی ڈھانچے کے لئے درکار ردعملکے حوالے سے طویل المدت تیاری اور پیش گوئی کی فراہمی کو یقینی بنائے گا۔
کوآرڈینیشن سینٹر کی سربراہی وزیر اعظم بطور چیئرمین کریں گے اور وزیر برائے منصوبہ بندی، ترقی اور خصوصی اقدامات اس کے ڈپٹی چیئرمین ہوں گے جبکہ کمانڈر آرمی ایئر ڈیفنس کمانڈ نیشنل کوآرڈینیٹر کے طور پر کام کریں گے۔ اقتصادی امور، خارجہ امور، داخلہ، خزانہ، موسمیاتی تبدیلی، مواصلات، وزیر مملکت برائے خزانہ، وزیر اعظم کے مشیر برائے اسٹیبلشمنٹ، وزیر اعظم کے کوآرڈینیٹر برائے اقتصادیات اور توانائی اور چیئرمین این ڈی ایم اے اس کے رکن ہوں گے۔
موجودہ مون سون سیزن کے دوران پاکستان میں سیلابی صورتحال کی غیر معمولی نوعیت کے پیش نظر، وزیراعظم نے حالیہ سیلاب سے ہونے والی تباہی سے نمٹنے کے لیے قومی ردعمل کو بہتر طور پر ہم آہنگ کرنے کے لیے قومی سطح کے رسپانس کوآرڈینیشن سینٹر کے قیام کی ہدایت کی تھی۔ این ایف آر سی سی حکومتی اداروں، ڈیزاسٹر مینجمنٹ اتھارٹیز اور ڈونرز کے درمیان ایک پل کا کام کرے گا تاکہ پورے پاکستان میں سیلاب سے متاثرہ افراد کی بحالی کے عمل کو یقینی بنایا جا سکے۔
این ایف آر سی سی کا سیکرٹریٹ این سی او سی، ایرا ہیڈکوارٹر میں رکھا جائے گا اور یہ نیشنل کوآرڈینیٹر کے تحت کام کرے گا۔این ایف آر سی سی کے ٹی او آرز میں بین الاقوامی اور دو طرفہ عطیہ دہندگان کے ساتھ انٹرفیس تاکہ قومی امداد اور بحالی کی کوششوں کو فعال کرنے کے لیے مطلوبہ امداد اور بحالی کے وسائل کی دستیابی کو یقینی بنایا جا سکے۔
مجموعی قومی ردعمل کے ساتھ ان کی کوششوں کو مربوط کرنے میں مدد کے لیے بین الاقوامی این جی اوز کے ساتھ انٹرفیس؛ امدادی اشیا کی مطلوبہ بین الاقوامی/مقامی خریداری کا آغاز ، جیسا کہ ضرورت ہو،این ایف آر سی سی کے ذریعے امدادی کارروائیوں کے ہموار انعقاد کے لیے پی ڈی ایم ایزکے ساتھ ہم آہنگی پیدا کرنا، سفارتی برادری اور غیر ملکی صحافیوں کے دوروں کا بندوبست اور رابطہ کاری کرنا شامل ہیں۔
متعلقہ وزارتوں کے ساتھ ہم آہنگی میں، تازہ ترین معلومات اکٹھا کرنا اور ان کا تجزیہ کرنا اور مناسب ردعمل کے لیے متعلقہ اسٹیک ہولڈرز کے ساتھ اشتراک کرنا، ایک پل کا کردار ادا کرتے ہوئے وفاقی/صوبائی محکموں، ڈیزاسٹر مینجمنٹ اتھارٹیز، عطیہ دہندگان اور مسلح افواج کے درمیان بہترین ہم آہنگی پیدا کرنا، جاری امدادی کارروائیوں کے سلسلے میں صوبائی کوششوں میں سہولت فراہم کرنے کے لیے مطلوبہ وسائل کی دستیابی کی نگرانی اور یقینی بنانا، سرکاری محکموں، امدادی اشیا جمع کرنے کے مقامات اور دیگر مقامی عطیہ دہندگان سے امدادی اشیا کی وصولی کی کوششوں کو ہم آہنگ اور مربوطکرنا، استقبالیہ، پیکیجنگ اور امدادی سامان کی نقل و حمل کے لیے رابطہ کاری قائم کرنا۔
این ڈی ایم اے کے ساتھ بین الاقوامی عطیہ دہندگان سے حاصل کیا گیا، مختلف اسٹیک ہولڈرز کے ساتھ مل کر متاثرہ علاقوں کی فوری امدادی ضروریات کی نشاندہی کرنا، کثیر ایجنسیوں کے اسٹیک ہولڈرز کے ذریعے متاثرہ علاقوں کے ایک جامع مشترکہ سروے کا اہتمام کرنا تاکہ ریلیف امداد کی میرٹ کی بنیاد پر فراہمی کو ممکن بنایا جا سکے، حتمی قومی بحالی کے عمل کی نگرانی کرنا۔
تعمیر نو، کے مختلف منصوبوں کو عمل درآمد کے قابل بنانے اور تباہ شدہ قومی انفراسٹرکچر کی بحالی/تعمیر کے لیے ترجیح قائم کرنے کے لیے وسائل کی منصفانہ تقسیم کے ساتھ وفاقی/صوبائی اسٹیک ہولڈرز کے ساتھ ہم آہنگی کی منصوبہ بندی بھی اس کا حصہ ہو گا۔ سرکاری نوٹیفکیشن کے مطابق این ایف آر سی سی وزیراعظم کو پیش رفت کی رپورٹوں کے ذریعے باقاعدگی سے اپ ڈیٹ کرتا رہے گا۔
متعلقہ وزارتوں کے مختلف سیکرٹریز، صوبائی حکومتوں، علاقائی اور مسلح افواج کے نمائندے این ایف آر سی سی کے مستقل اراکین ہوں گے۔ تمام متعلقہ وزارتوں/ ڈویژنوں، صوبوں، آزاد جموں و کشمیر و گلگت بلتستا ن اور اداروں سے مزید درخواست کی گئی کہ وہ نیشنل فلڈ رسپانس اینڈ کوآرڈینیشن سینٹر کے لیے اپنے نمائندوں کو فوری طور پر نامزد کریں۔
