سینیٹر مشاہد اﷲ خان سمندروں کے بارے میں عالمی کانفرنس میں شرکت کریں گے

اسلام آباد ۔ 25 ستمبر (اے پی پی) وفاقی وزیر برائے موسمیاتی تبدیلی سینیٹر مشاہد اﷲ خان سمندروں کے بارے میں عالمی کانفرنس میں شرکت کریں گے جو اگلے ماہ مالٹا میں منعقد کی جائے گی۔ وزارت موسمیاتی تبدیلی کے میڈیا ترجمان محمد سلیم نے کہا کہ سینیٹر مشاہد اﷲ خان کانفرنس میں دنیا بھر میں سمندروں سے متعلق مسائل کے حل کیلئے نئے وژن اور قابل عمل معاہدوں پر زور دیں گے۔ اس عالمی کانفرنس کا مقصد نسل نو کے رہنماﺅں، انٹرپرینیورز، سائنسدانوں، سول سوسائٹی اور میڈیا کو سمندر اور اس کے وسائل کے تحفظ کیلئے مسائل کی نشاندہی کرنا اور ان کا حل تلاش کرنا ہے۔

Short Link: https://urdu.app.com.pk/urdu/?p=71061