اسلام آباد۔22نومبر (اے پی پی):چین کے نیشنل ڈویلپمنٹ اینڈ ریفارم کمیشن کے ترجمان مینگ وی نے کہا ہے کہ گزشتہ نو سالوں میں چین پاکستان اقتصادی راہداری کی بدولت 190,000 ملازمتیں پیدا ہوئی ہیں جو بیلٹ اینڈ روڈ انیشیٹوز کا ایک پائلٹ پروجیکٹ ہے۔
جاری بیان میں انہوں نے کہا کہ سی پیک پر مشترکہ تعاون کمیٹی (جے سی سی) جس کے تحت گوادر پورٹ، توانائی، انفراسٹرکچر اور صنعتوں میں تعاون پر توجہ مرکوز ہے اور اسے چین اور پاکستان نے 2013 میں قائم کیا۔
انہوں نے کہا کہ دونوں ممالک زراعت، سماجی ترقی، لوگوں کی معیارِ زندگی میں بہتری، سائنس اور ٹیکنالوجی اور انفارمیشن ٹیکنالوجی کے شعبوں کو بھی شامل کرکے تعاون کے سلسلے کو مزید وسعت دینے کے لیے پر عزم ہیں۔
