اسلام آباد۔2دسمبر (اے پی پی):چین پاکستان اقتصادی راہداری منصوبہ (سی پیک) کے تحت گوادر پر جوائنٹ ورکنگ گروپ (جے ڈبلیو جی) کے اجلاس کے دوران چین اور پاکستان کے عہدیداروں نے گوادر منصوبوں کی پیش رفت پر تبادلہ خیال کیا گیا۔ وزارت منصوبہ بندی حکام کے مطابق اجلاس میں نیو گوادر بین الاقوامی ایئرپورٹ ، پانچ ملین گیلن پانی صاف کرنے والے ٹریٹمنٹ پلانٹ پر کام تیز کرنے کے ساتھ ساتھ گوادر پورٹ کی برتھ ، بریک واٹر پراجیکٹس ، ایسٹ بے ایکسپریس وے پراجیکٹ ، 300 میگاواٹ کا کوئلہ سے چلنے والا پاور پلانٹ ، پاک چین دوستی ہسپتال اور سکولوں جیسے منصوبوں پر کام کی رفتار کا جائزہ لیا گیا ۔ مزید برآں چین نے سماجی و اقتصادی شعبے میں پاکستان کو مکمل مدد فراہم کرنے کے عزم کا اعادہ کیا ہے ۔
