اسلام آباد۔3اگست (اے پی پی): وزیراعظم محمد شہباز شریف نے کہا ہے کہ سی پیک نے گزشتہ دس برسوں کے دوران اعلیٰ معیار کے انفراسٹرکچر، توانائی اور سماجی و اقتصادی ترقی کے شعبوں میں کئی سنگ میل عبور کئے ،سی پیک کے دوسرے مرحلے کو شاندار کامیابی سے ہمکنار کرنے کے لیے مزید توانائی اور جذبے کے ساتھ کام کرنے کے لیے پرعزم ہوں۔
Highly grateful to H.E. President Xi Jinping for his powerful message of support and solidarity with Pakistan on the occasion of the completion of the Decade of CPEC. His emphasis on building CPEC into "an exemplary project of high quality Belt and Road Cooperation" reflects his…
— Shehbaz Sharif (@CMShehbaz) August 3, 2023
جمعرات کو اپنے ٹویٹ میں انہوں نے کہا کہ سی پیک کی دہائی کی تکمیل کے موقع پر پاکستان کے ساتھ حمایت اور یکجہتی کے اپنے اہم پیغام پر چین کے صدر شی جن پنگ کا شکر گزار ہوں۔
سی پیک کو اعلی معیار کے بیلٹ اینڈ روڈ کوآپریشن کا ایک مثالی منصوبہ بنانے پر ان کا زور پاکستان کے عوام کی فلاح و بہبود کے لیے ان کے عزم کی عکاسی کرتا ہے۔
انہوں نے کہا کہ درحقیقت سی پیک نے گزشتہ دس سال کے دوران اعلیٰ معیار کے انفراسٹرکچر، توانائی اور سماجی و اقتصادی ترقی کے شعبوں میں کئی سنگ میل عبور کئے ہیں۔ بی آر آئی کے فلیگ شپ پراجیکٹ کے طور پرسی پپک میاں نواز شریف کی قیادت میں تبدیلی کی کہانی میں تبدیل ہوا۔ پاکستان اس کہانی کو دنیا بھر میں اپنے دوستوں اور شراکت داروں کے ساتھ شیئر کرنے کے لیے تیار ہے۔
انہوں نے کہا کہ چین پاکستان سٹریٹجک کوآپریٹو پارٹنرشپ کو نئی بلندیوں تک لے جانے کے لیے ہم کبھی بھی صدر شی جن پنگ کا مکمل شکریہ ادا نہیں کر سکیں گے۔میں سی پیک کے دوسرے مرحلے کو شاندار کامیابی سے ہمکنار کرنے کے لیے مزید توانائی اور جذبے کے ساتھ کام کرنے کے لیے پرعزم ہوں۔
