اسلام آباد۔28اپریل (اے پی پی):انسپکٹر جنرل پولیس (آئی جی پی) اسلام آباد سید علی ناصر رضوی نے اتوار کو وفاقی دارالحکومت میں مختلف چوکیوں کا دورہ اور معائنہ کیا۔آئی جی پی اسلام آباد کے افسر تعلقات عامہ نے کہا ہے کہ آئی جی پی اسلام آباد نے چوکیوں پر ڈیوٹی پر تعینات پولیس اہلکاروں کی تعریف کی اور انہیں اپنے دفتر طلب کیا۔
انہوں نے اپنے دفتر میں پولیس افسران کے ساتھ میٹنگ کی، جس میں ان کے حوصلے بلند کرنے کے لیے انہیں تعریفی اسناد سے بھی نوازا گیا۔اس موقع پرسید علی ناصر رضوی نے کہا کہ شہریوں کی خدمت اور تحفظ کے لیے سرشار پولیس اہلکاروں کے حوصلے بلند کرنا اور انتہائی خلوص نیت سے فرائض کی انجام دہی ضروری ہے۔انہوں نے مزید کہا کہ شہریوں کے جان و مال کا تحفظ ہماری اولین ترجیح ہے۔
