شیخوپورہ۔ 26 اکتوبر (اے پی پی):پنجاب فوڈ اتھارٹی شیخوپورہ کی فوڈ سیفٹی ٹیموں نے حفظان صحت کے اصولوں کی خلاف ورزی اور صفائی کے ناقص انتظامات پر دکانداروں پرایک لاکھ 15ہزار روپے سے زائد کا جرمانہ عائد کیا گیا۔معیاری دودھ کی فراہمی کو یقینی بنانے کے لئے ضلع شیخوپورہ کے مختلف علاقوں میں چیکنگ کے دوران 60ہزار 800لٹر دودھ کو چیک کیا گیا۔مزید برا ں مضر صحت غیر معیاری ناقص اور ممنوع اشیاء جن میں چائنہ نمک،اورمتعدد بیکری ائٹمزکو موقع پر تلف کیا گیا
۔مزید برا ں باقی فوڈ پوائنٹس کو اصلاحی نوٹس بھی جاری کیے گئے ۔ ڈپٹی کمشنر شیخوپورہ شاہد عمران مارتھ نے پنجاب فوڈ اتھارٹی کی مضر صحت اشیاء کی خریدوفروخت کرنے والوں کے خلاف کارروائیوں بارے گفتگو کرتے ہوئے کہا کہ عوام الناس کو صاف ستھری خوراک کی فراہمی پنجاب فوڈ اتھارٹی کی اولین ترجیح ہونی چاہیے، پنجاب فوڈ اتھارٹی ہمیشہ کی طرح لوگوں کو صاف ستھری اور معیاری خوراک کی فراہمی کے لیے دن رات کوشاں ہے۔
Short Link: https://urdu.app.com.pk/urdu/?p=517242
