شیخوپورہ۔ 22 نومبر (اے پی پی):شیخوپورہ فوڈ اتھارٹی نے حفظان صحت کے اصولوں کی خلاف ورزی پر 91ہزار روپے کے جرمانے اور 85 لٹر دودھ تلف کر دیا گیا۔ ڈائریکٹر جنرل فوڈ اتھارٹی پنجاب محمد عاصم جاوید اور ڈپٹی کمشنر شیخوپورہ شاہد عمران مارتھ کی ہدایات پر پنجاب فوڈ اتھارٹی شیخوپورہ کی فوڈ سیفٹی ٹیمیں معیاری خوراک کی فراہمی کو یقینی بنانے کیلئے فیلڈ میں مکمل متحرک ہیں۔
ضلع بھر میں خوراک سے منسلک 101 کاروباروں کا معائنہ کیا گیا، حفظان صحت کے اصولوں کی خلاف ورزی اور صفائی کے ناقص انتظامات پر 91 ہزار روپے سے زائد کا جرمانہ عائد کیا گیا۔معیاری دودھ کی فراہمی کو یقینی بنانے کیلئے ضلع شیخوپورہ کے مختلف علاقوں میں چیکنگ کے دوران 37 ہزار935 لٹر دودھ کو چیک کیا گیادودھ کو دودھ کے معیار کے مطابق نہ ہونے پر85 لیٹر دودھ کو موقع پر تلف کیا گیا ۔مزید برا ں مضر صحت غیر معیاری ناقص اور ممنوع زائد المیاد اشیاء متعدد بیکری آئٹمز، کو موقع پر تلف کیا گیااورمتعدد فوڈ پوائنٹس کو اصلاحی نوٹس بھی جاری کیے گئے۔
ڈپٹی کمشنر شیخوپورہ شاہد عمران مارتھ نے پنجاب فوڈ اتھارٹی کی مضر صحت اشیاء کی خریدوفروخت کرنے والوں کے خلاف کارروائیوں بارے گفتگو کرتے ہوئے کہا کہ عوام الناس کو صاف ستھری خوراک کی فراہمی پنجاب فوڈ اتھارٹی کی اولین ترجیح ہونی چاہیے۔ پنجاب فوڈ اتھارٹی ہمیشہ کی طرح لوگوں کو صاف ستھری اور معیاری خوراک کی فراہمی کے لیے دن رات کوشاں ہے
Short Link: https://urdu.app.com.pk/urdu/?p=528285
