شیخوپورہ ،حادثات کو کنٹرول کرنے کے لیے تجاوزات خاتمہ ضروری ہے

شیخوپورہ۔ 17 فروری (اے پی پی):وزیراعلی پنجاب مریم نواز شریف کی ہدایت کیمطابق تمام متعلقہ ادارے اپنی پیشہ وارانہ صلاحیتوں کو بروئے کار لاتے ہوئے شہر کی اہم شاہراہوں پر ناجائز تجاوزات کا خاتمہ یقینی بنائیں تا کہ ٹریفک حادثات میں کمی واقع ہو سکے، ٹریفک حادثات میں کمی کے لیے عوام کا تعاون نہایت ضروری ہے ، اہم شاہراہوں پر سپیڈ بریکر اور زیبرہ کراسنگ سمیت آگاہی سائن بورڈ آویژاں کیے جائیں ۔

ڈپٹی کمشنر شاہد عمران مارتھ نے ان خیالات کا اظہار ٹریفک حادثات کی روک تھام کے لیے اقدامات کا جائزہ لینے کے لیے ایکسیڈنٹ ریویو کمیٹی اور ریجنل ٹرانسپورٹ اتھارٹی کے منعقدہ اجلاس کی صدارت کرتے ہوئے کیا ۔اسسٹنٹ کمشنر فاروق قریشی ،سی ای او ہیلتھ اتھارٹی ڈاکٹر صدیق بلوچ ، سیکرٹری ڈی آر ٹی اے حنا رحمان ، ایمرجنسی آفیسر ریسکیو 1122 رانا اعجاز ، ڈی ایس پی ٹریفک پولیس و دیگر متعلقہ محکموں کے افسران نے اجلاس میں شرکت کی ۔

سیکرٹری ڈی آر ٹی اے ، ریسکیو 1122 ، ڈی ایس پی ٹریفک پولیس و دیگر متعلقہ افسران نے ٹریفک حادثات کی روک تھام اور ٹریفک قوانین کی خلاف ورزی کرنے والوں کے خلاف کی گئی کاروائیوں بارے ڈپٹی کمشنر شیخوپورہ کو بریفنگ دی ۔ ڈپٹی کمشنر شاہد عمران مارتھ نے اجلاس سے خطاب کرتے ہوئے کہا کہ ٹریفک حادثات کی روک تھام کے لیے ہائی وے پٹرولنگ پولیس اور ٹریفک پولیس کی جانب سے تمام تحصیلوں میں لوگوں کی آگاہی کے لیے سیمینار منعقد کیے جائیں۔\

Short Link: https://urdu.app.com.pk/urdu/?p=561848