اسلام آباد۔4جون (اے پی پی):وزیراعظم محمد شہباز شریف نے کہا ہے کہ چینی قیادت کی دعوت پر چین کے سرکاری دورہ کے پہلے مرحلے میں شینزن پہنچ کر شہر کی خوبصورتی اور ترقی سے متاثر ہوا ہوں جو جدید دور کے چین کی عکاسی کرتی ہے۔
منگل کو ایکس (سابق ٹویٹر)پر اپنے پیغام میں انہوں نے کہا کہ چین کے صدر شی جن پھنگ ، وزیراعظم لی چیانگ اور دیگر چینی رہنمائوں اور اعلیٰ حکام کے ساتھ باضابطہ بات چیت کیلئے بیجنگ جانے سے پہلے شینزن کے صوبائی حکام، کاروباری برادری اور صنعتی اداروں کے ساتھ بات چیت کے متمنی ہیں۔
