برسلز ۔ 12 نومبر (اے پی پی) یورپی یونین نے عارضی طور پر شینگن زون کی اندرونی سرحدوں پر نگرانی بڑھانے پر اتفاق کیا ہے۔ جرمن ذرائع ابلاغ کے مطابق یورپی حکام نے بتایا کہ مہاجرین کے بحران پر قابو پانے کے لیے یورپ کے ویزا فری زون کی سرحدوں کی مزید تین ماہ کے لیے نگرانی کی جائے گی۔ اب جرمنی،آسٹریا، ڈنمارک، سویڈن اور ناروے پندرہ نومبر کے بعد بھی اپنی قومی سرحدوں پر پاسپورٹ چیک کرنے کے مجاز ہوں گے۔
