صدرِ مملکت آصف علی زرداری کی کوئٹہ میں شاہوانی سٹیڈیم کے قریب دھماکہ کی مذمت

اسلام آباد۔3ستمبر (اے پی پی):صدرِ مملکت آصف علی زرداری نے کوئٹہ میں شاہوانی سٹیڈیم کے قریب دھماکے کی شدید مذمت کرتے ہوئے واقعہ کی تحقیقات کی ہدایت کی ہے۔ بدھ کو ایوان صدر کے پریس ونگ کی طرف سے جاری بیان کے مطابق صدر مملکت نے دھماکے میں جاں بحق افراد کے اہلِ خانہ سے تعزیت اور دلی ہمدردی کا اظہار کیا ہے۔

صدر مملکت نے زخمیوں کی جلد صحت یابی کے لیے دعا کی اور متعلقہ حکام کو علاج معالجے کی بہترین سہولیات فراہم کرنے کی ہدایت بھی کی ۔ انہوں نے متعلقہ اداروں سے واقعے کی مکمل تحقیقات اور ملوث عناصر کو قانون کے کٹہرے میں لانے کا بھی حکم دیا۔