صدرِ مملکت کا ملک کے مختلف علاقوں میں حالیہ بارشوں اور سیلاب سے قیمتی انسانی جانوں کے ضیاع پر افسوس کا اظہار

اسلام آباد۔15اگست (اے پی پی):صدرِ مملکت آصف علی زرداری نے ملک کے مختلف علاقوں میں حالیہ بارشوں اور سیلاب سے قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔ایوان صدر کے پریس ونگ سے جاری بیان میں صدر مملکت نے جاں بحق افراد کے بلندی درجات کے لئے دعا اور لواحقین سے دلی ہمدردی کا اظہار کیا۔

صدر مملکت نے ہدایت کی کہ متعلقہ ادارے امدادی سرگرمیوں کو تیز کریں، متاثرہ افراد کی مدد اور بحالی کے لیے ہر ممکن اقدامات کیے جائیں۔صدرِ مملکت نےزخمی افراد کو فوری اور معیاری طبی سہولتیں فراہم کرنے کی بھی ہدایت کی۔