صدر آصف علی زرداری کا سیکیورٹی فورسز کو شمالی وزیرستان میں افغانستان سے دراندازی ناکام بنانے پر خراج تحسین

اسلام آباد۔27اپریل (اے پی پی):صدر مملکت آصف علی زرداری نے شمالی وزیرستان میں افغانستان سے دراندازی ناکام بنانے پر سیکیورٹی فورسز کو خراج تحسین پیش کیا ہے – اتوار کو ایوان صدر کے پریس ونگ کی طرف سے جاری بیان کے مطابق صدر مملکت نے فتنۃ الخوارج کے دہشت گردوں کے خلاف بروقت کارروائی کرتے ہوئے 54 دہشتگردوں کو جہنم واصل کرنے پر سیکیورٹی فورسز کو سراہا۔

صدر مملکت نے کارروائی کے دوران 54 خوارج کا قلع قمع کرنے پر سیکیورٹی فورسز کی بہادری کی تعریف کی اور کہا کہ پاکستان کی بہادر سیکیورٹی فورسز ملکی سرحدوں کی حفاظت کے لیے ہمہ وقت تیار ہیں۔ صدر مملکت نے کہا کہ دہشتگردوں کی جانب سے دراندازی ناکام بنانا بڑی کامیابی ہے۔ صدر مملکت نے دہشت گردی کے مکمل خاتمے، ملکی سرحدوں کی حفاظت کے عزم کا اعادہ کیا –

Short Link: https://urdu.app.com.pk/urdu/?p=588547