لاہور۔16مارچ (اے پی پی):صدر مملکت آصف علی زرداری نے 62 ویں نیشنل اوپن پولو چیمپئن شپ کے فائنل میں بطور مہمان خصوصی شرکت کی اور کھلاڑیوں میں انعامات تقسیم کئے- ایوان صدر کے پریس ونگ سے جاری بیان کے مطابق صدر مملکت آصف علی زرداری نے پولو چیمپئن شپ کی اختتامی تقریب میں کھلاڑیوں میں انعامات تقسیم کئے۔
صدر مملکت نے 62 ویں نیشنل اوپن پولو چیمپئن شپ جیتنے والی ٹیم ڈی ایس کو قائدِ اعظم گولڈ کپ 2025 کی ٹرافی بھی پیش کی۔
اس موقع پر سابق وزیراعظم راجہ پرویز اشرف، گورنر پنجاب سردار سلیم حیدر خان، بینک الفلاح کے سی ای او عاطف باجوہ اور لاہور پولو کلب کے سینئر عہدیداران بھی موقع پر موجود تھے-
62 ویں اوپن پولو چیمپئن شپ کے فائنل میں مختلف مکتبہ ہائے زندگی کے لوگوں کی بڑی تعداد موجود تھی- فائنل کے اختتام پر صدر مملکت آصف علی زرداری نے دیگر کیٹیگریز میں بھی ایوارڈز تقسیم کئے-
Short Link: https://urdu.app.com.pk/urdu/?p=573273
