اسلام آباد۔20اگست (اے پی پی):صدر مملکت ڈاکٹر عارف علوی نے پنڈی بھٹیاں کے قریب مسافر بس میں آتشزدگی کے نتیجے میں قیمتی جانی نقصان پر اظہارِ افسوس کیا ہے۔
ایوانِ صدرپریس ونگ کی طرف سے جاری تعزیتی بیان میں صدر مملکت ڈاکٹر عارف علوی نے انسانی جانوں کے ضیاع پر دکھ اور رنج کا اظہار کیا۔ صدر مملکت نے جانبحق افراد کے اہل خانہ کے ساتھ اظہار تعزیت بھی کیا اور زخمیوں کی جلد صحتیابی کے لئے دعا کی ۔ صدر مملکت نے جانبحق افراد کیلئے دعائے مغفرت کی اور ان کے اہل خانہ کے ساتھ اظہار ہمدردی کیا۔
