اسلام آباد۔17اپریل (اے پی پی):صدر مملکت آصف علی زرداری نے ضلع ڈیرہ اسماعیل خان میں آپریشن میں سکیورٹی فورسز کی جانب سے 4 خوارج جہنم واصل کرنے پر فورسز کو خراج تحسین پیش کیا ہے۔
ایوان صدر کے پریس ونگ کے مطابق صدر مملکت نے انٹیلیجنس پر مبنی کارروائی کے دوران فتنۃ الخوارج کے دہشت گردوں کا قلع قمع کرنے پر سکیورٹی فورسز کی بہادری کو سراہا۔صدر مملکت نے کارروائی کے دوران جام شہادت نوش کرنے والے سپاہی باسط صدیقی شہید کو خراج عقیدت پیش کیا۔
ان کا کہنا تھا کہ قوم اپنے بہادر شہداء کی قربانیوں کو ہمیشہ یاد رکھے گی۔صدر مملکت نے پاک فوج کے بہادر شہداء کی بہادری اور جذبہ حب الوطنی کو سراہا۔صدر مملکت نے شہداء کے لواحقین کے ساتھ اظہار ہمدردی، صبر جمیل کی دعا کی۔
انہوں نے کہا کہ دہشت گردوں کے مکمل خاتمے تک سکیورٹی فورسز کی کارروائیاں جاری رہیں گی، دہشت گرد عناصر کے خاتمے، ملکی دفاع کیلئے ہمارا عزم غیر متزلزل رہے گا۔صدر مملکت نےفتنۃ الخوارج کے مکمل خاتمے کے قومی عزم کا اظہار کیا۔
Short Link: https://urdu.app.com.pk/urdu/?p=583765
