اسلام آباد۔15مارچ (اے پی پی):صدر مملکت سید یوسف رضا گیلانی نے خیبر پختونخوا میں خوارج کے خلاف2 مختلف کامیاب کارروائیوں پر سکیورٹی فورسز کو خراج تحسین پیش کیا ہے۔ایوانِ صدرپریس ونگ کی طرف سے ہفتہ کو جاری بیان کے مطابق صدر مملکت نے کارروائیوں کے دوران 9 خوارج کو جہنم واصل کرنے پر سکیورٹی فورسز کی بہادری کو سراہا۔
صدر یوسف رضا گیلانی نے کارروائی کے دوران جامِ شہادت نوش کرنے والے2 بہادر جوانوں کو خراج عقیدت پیش کیااور وطن کیلئے جان کا نذرانہ پیش کرنے پر قوم کے سپوتوں کی بہادری کو سراہا۔ صدر مملکت نے کہا کہ پاکستان کی بہادر افواج فتنة الخوارج کی سرکوبی کیلئے کامیاب کارروائیاں کررہی ہیں۔
صدر مملکت نے دہشتگردی کے مکمل خاتمے تک کارروائیاں جاری رکھنے کے عزم کا اعادہ کیا اور کہا کہ پوری قوم دہشت گردی کے خلاف جنگ میں اپنی سکیورٹی فورسز کے ساتھ ہے۔ صدر مملکت نے کہا کہ صدر یوسف رضا گیلانی نے شہدا کیلئے بلندی درجات، اہل خانہ کیلئے صبر جمیل کی دعا کی۔
Short Link: https://urdu.app.com.pk/urdu/?p=573000
