صدر مملکت ممنون حسین کا تقریب سے خطاب

اسلام آباد ۔ 21 دسمبر (اے پی پی) بانی پاکستان قائدِ اعظم محمد علی جناح کے 139ویں یوم ولادت کے حوالہ سے پیر کو ایوان صدر میں خصوصی تقریب منعقد کی گئی۔ اس موقع پر صدر مملکت ممنون حسین اور خاتون اول بیگم محمودہ ممنون حسین نے اسکول کے بچوں کے ساتھ سالگرہ کا کیک کاٹا۔ تقریب سے خطاب کرتے ہو ئے صدر مملکت نے کہا کہ قائداعظم نئی نسل کو پاکستان کی امیدوں کا مرکز قرار دیتے تھے اور انہیں نئی نسل سے بڑی توقعات تھیں۔ ایمان، اتحاد اور تنظیم کاسبق انہوں نے اسی لئے دیا تھا کہ انہیں یقین تھا کہ کوئی قوم اس وقت تک ترقی نہیں کر سکتی جب تک اسے اپنے مقاصد اور فیصلوں پر کامل یقیں نہ ہو۔