اسلام آباد ۔ 11 دسمبر (اے پی پی) صدر مملکت ممنون حسین نے استنبول میں بم دھماکوں کی شدید مذمت کرتے ہوئے اس میں بے گناہ انسانی جانوں کے ضیاع پر ترک حکومت اور عوام سے یک جہتی کا اظہار کیا ہے۔ صدر مملکت نے کہا کہ پاکستان کی حکومت اور عوام دکھ کی اس گھڑی میں ترک عوام اور حکومت کے ساتھ ہیں۔ انھوں نے کہا کہ دہشت گردی نے عالمی امن اور خاص طور پر مسلم ممالک کو بے پناہ متاثر کیا ہے جس کے سدباب کے لیے مشترکہ کوششوں کی ضرورت ہے
