اسلام آباد ۔ 29 ستمبر (اے پی پی) صدر مملکت ممنون حسین نے کہا ہے کہ پاکستان علمی اور ثقافتی ورثہ سے مالا مال ہے لیکن اسے بھرپور طریقہ سے اجاگر کرنے کی ضرورت ہے۔ صدر مملکت نے یہ بات وزیراعظم کے مشیر برائے قومی تاریخ و علمی ورثہ عرفان صدیقی سے بات چیت کرتے ہوئے کہی جنہوں نے ایوان صدر میں جمعرات کو ان سے ملاقات کی۔ عرفان صدیقی نے اس موقع پر انہیں اپنی وزارت کے امور اور مستقبل کی منصوبہ بندی سے آگاہ کیا۔
