اسلام آباد ۔ 7 ستمبر (اے پی پی) صدر مملکت ڈاکٹر عارف علوی نے ملکی دفاع اور سلامتی کیلئے جانیں قربان کرنے والے شہداء اور مختلف شعبوں میں نمایاں خدمات سرانجام دینے والے 44 افراد کو سول اعزازات سے نوازا ہے۔ ان اعزازات میں ہلال شجاعت، ہلال امتیاز، ستارہ شجاعت، ستارہ امتیاز، صدارتی اعزاز برائے حسن کارکردگی، تمغہ شجاعت اور تمغہ امتیاز شامل ہیں۔ اس حوالہ سے ایک پروقار تقریب پیر کو ایوان صدر میں ہوئی۔ تقریب کے دوران صدر مملکت ڈاکٹر عارف علوی نے سول اعزازات تقسیم کئے۔ اس موقع پر وفاقی وزرائ، ارکان پارلیمنٹ، ارکان سینٹ سمیت دیگر اعلیٰ سول و عسکری حکام موجود تھے۔ صدر مملکت نے ڈاکٹر عبدالقدوس شیخ شہید کو بعد از شہادت ہلال شجاعت سے نوازا۔ ہلال امتیاز پانے والوں میں خالق داد خان، میجر (ر) اعظم سیلمان، قاری سیّد صداقت علی شامل ہیں۔ ستارہ شجاعت پانے والوں میں ملک خادین شہید بعد از شہادت، ملک فضل الرحمن شہید بعد از شہادت، ملک گل شاہ مت خان شہید بعد از شہادت، میاں شاہجہاں شہید بعد از شہادت، ملک محمد ایاز خان شہید بعد از شہادت اور ڈاکٹر مظہر الحق کاکاخیل شامل ہیں۔ ستارہ امتیاز پانے والوں میں جاوید اقبال مرحوم بعد از مرگ، آصف محمود، نجیب اﷲ غوری، ڈاکٹر پاول بیم، پروفیسر ڈاکٹر ایوب صابر، ڈاکٹر کامران احمد وصفی، محمد جاوید آفریدی، احمد اﷲ اور ریحان حسن شامل ہیں۔ صدارتی اعزاز برائے حسن کارکردگی حاصل کرنے والوں میں نسیم اختر، ابو محمد، حسن سدپارہ مرحوم بعد از مرگ اور محمد ایوب شامل ہیں۔ تمغہ شجاعت پانے والوں میں شاہ گل حیات، محمد زکریا، محمد آصف بھٹی، زاہد اﷲ، محمد نوید اختر، امجد حسین، رانا طارق محمود چوہان، صلاح احمد مگسی، احمد رضا، ثاقب حسن، محمد طاہر شامل ہیں۔ تمغہ امتیاز حاصل کرنے والوں میں محترمہ قیصر بیگ، سیّد زوہیب مسعود شاہ، ملک فدا الرحمن، محمد عثمان مرحوم بعد از مرگ، مرحومہ فریحہ رزاق بعد از مرگ، سبین شاہ، خالد محمود، پروفیسر ڈاکٹر سیّد محمد طارق رفیع، محمد اختر اور ڈاکٹر ایم صلاح الدین مینگل شامل ہیں۔
