اسلام آباد۔19نومبر (اے پی پی):صدر مملکت ڈاکٹر عارف علوی نے جماعت اسلامی کے امیر سینیٹر سراج الحق سے ملاقات کی اور ان کی والدہ کی وفات پر اظہار تعزیت کیا ۔ جمعرات کو ایوان صدر کے میڈیا ونگ کی جانب سے جاری بیان کے مطابق صدر مملکت نے سینیٹر سراج الحق کی والدہ کی وفات پر گہرے رنج و غم کا اظہار کیا ہے ۔ انہوں نے ان کے اہلِ خانہ سے دلّی ہمدردی اور اظہار افسوس کیا ہے ،صدر مملکت نے مرحومہ کے درجات کی بلندی اور غمزدہ خاندان کیلئے صبر جمیل کی دعاکی۔
