کراچی۔18فروری (اے پی پی):صدر مملکت ڈاکٹر عارف علوی نے جناح ہسپتال کراچی میں پولیس آفس حملے کے زخمیوں کی عیادت کی۔ انہوں نے پولیس اور رینجر اہلکاروں کی بہادری کی سراہا اور اہلکاروں سے ان کی صحت کے بارے میں دریافت کیا۔
صدر مملکت نے پولیس اور رینجر کے اہلکاروں کے ساتھ اظہارِ يكجہتی بھی کیا۔ ہفتہ کو ایوان صدر میڈیا ونگ کی جانب سے جاری اعلامیہ کے مطابق صدر ڈاکٹر عارف علوی نے حملے کے شہدا کو بھی خراج عقیدت پیش کیا اور ان کے بلندی درجات کی دعا بھی کی۔ انہوں نے وطن کی خاطر بہادری سے دہشت گردوں کے خلاف لڑنے پر پولیس اور رینجر کے جوانوں کو خراج عقیدت پیش کیا اور پولیس آفس حملے کے تمام زخمیوں کیلئے جلد صحتیابی کی دعا کی۔
