صدر مملکت کی بنوں کینٹ پر افطار کے دوران دہشت گردوں کے حملے کی شدید مذمت

اسلام آباد۔4مارچ (اے پی پی):صدر مملکت آصف علی زرداری نے بنوں کینٹ پر افطار کے دوران دہشتگردوں کے حملے کی شدید مذمت کرتے ہوئے کہا ہے کہ مقدس مہینے میں افطار کے دوران ایسا حملہ گھنائونا عمل ہے، پوری قوم ایسی مذموم کاروائیوں کو مسترد کرتی ہے ۔

ایوان صدر کے پریس ونگ کے مطابق صدر مملکت نے بنوں کینٹ پر دہشتگرد حملے کے نتیجے میں قیمتی جانی نقصان پر دُکھ اور افسوس کا اظہار کیا۔صدر مملکت نے دہشتگردوں کو جہنم واصل کرنے پر سیکیورٹی فورسز کی تعریف کرتے ہوئے کہا کہ فتنۃ الخوارج کی سرکوبی کیلئے کاروائیاں جاری رکھنے کیلئے پرعزم ہیں۔صدر مملکت نے شہداء کیلئے بلندی درجات، اہل خانہ کیلئے صبر جمیل کی دعا کی۔

Short Link: https://urdu.app.com.pk/urdu/?p=568818