واشنگٹن ۔ 16 جولائی (اے پی پی) امریکا میں کیے جانے والے ایک حالیہ جائزے کے مطابق صدر ڈونلڈ ٹرمپ کی عوامی مقبولیت کم ہوکر 36 فیصد پر آگئی ہے۔واشنگٹن پوسٹ اور اے بی سی نیوز کی جانب سے کرائے گئے جائزے میں بتایا گیا ہے کہً 6 ماہ قبل عہدہ صدارات سنبھالنے والے صدر ٹرمپ کی عوامی مقبولیت 42 فیصد تھی جو اب گر کر 36 فیصد تک پہنچ گئی ہے۔ اس جائزے کے مطابق 48 فیصد عوام نے ڈونلڈ ٹرمپ کی بطور صدر کارکردگی کو سختی سے رد کیا ہے۔تقریباً نصف (48 فیصد) امریکی شہری سمجھتے ہیں کہ ٹرمپ کے صدر بننے کے بعد سے دنیا میں امریکا کا قائدانہ کردار کم ہوا ہے۔
