نیویارک ۔ 22 ستمبر (اے پی پی) صدر ڈونلڈ ٹرمپ نے اپنے افغان ہم منصب اشرف غنی سے ملاقات کی ہے۔ وائٹ ہاوس کے مطابق اقوام متحدہ کی جنرل اسمبلی کے اجلاس کے دوران کی گئی اس ملاقات میں دونوں صدور نے خاص طور پر خطے کی سکیورٹی صورت حال اور امریکی کمپنیوں کی جانب سے افغانستان میں معدنی ذخائر کی تلاش جیسے موضوعات پر تفصیلی تبادلہ خیال کیا۔ اس بیان میں مزید بتایا گیا کہ معدنی ذخائر کی تلاش کے عمل میں امریکی کمپنیوں کی شمولیت سے کابل کی اقتصادی پالیسیوں کو تقویت حاصل ہو گی۔
