لاہور۔13مئی (اے پی پی):پنجاب پلاننگ اینڈ ڈویلپمنٹ بورڈ نے مالی سال 2024-25 کے صوبائی ڈویلپمنٹ ورکنگ پارٹی کے 80ویں اجلاس میں اریگیشن سیکٹر کی 2 ترقیاتی سکیموں کیلئے مجموعی طور پر 3ارب 73کروڑ 1لاکھ 28ہزار روپے کے فنڈز کی منظوری دی۔ اجلاس کی صدارت چیئرمین پلاننگ اینڈ ڈویلپمنٹ بورڈ بیرسٹر نبیل احمد اعوان نے کی۔
صوبائی ورکنگ پارٹی کے اجلاس میں ترقیاتی بورڈ کی جانب سے جن سکیموں کی منظوری دی گئی ان میں رنگ پور کینال سسٹم کی بحالی کیلئے ایک ارب روپے،اور کامونکی اور ملحقہ علاقوں میں سیلاب سے بچاو (ترمیمی) کیلئے 2ارب 73کروڑ 2لاکھ 51ہزا رروپے شامل ہیں۔اجلاس میں صوبائی سیکرٹری پی اینڈ ڈی بورڈ ڈاکٹر آصف طفیل سمیت چیف اکانومسٹ محمد مسعود انور، متعلقہ سیکرٹریز، محکمہ جات کے اعلی افسران اور پنجاب پلاننگ اینڈ ڈویلپمنٹ بورڈ کے ممبران نے شرکت کی۔
Short Link: https://urdu.app.com.pk/urdu/?p=596589
