لاہور۔20جنوری (اے پی پی):صوبہ پنجاب میں انتخابی مہم کے دوران ضابطہ اخلاق کی خلاف ورزی پر ڈسٹرکٹ مانیٹرنگ افسران کی کارروائیاں جاری ہیں ۔
ترجمان الیکشن کمیشن کے مطابق این اے 153ملتان میں امیدوار حامد علی بھٹی کو ضابطہ اخلاق، این اے 66وزیرآباد میں امیدوارار احمد چٹھہ اور پی پی 133ننکانہ صاحب میں امیدوار نوشیر مان کو وال چاکنگ کرنے اور این اے 75نارووال سے امیدوار دانیال عزیز کو دیواروں پر پوسٹر آویزاں کرنے پر نوٹس جاری کر دیا گیا ہے۔
ننکانہ صاحب میں بھی انتخابی امیدواران کو پینا فلیکس اور بل بورڈز آویزاں کرنے پر وارننگ جاری جبکہ جہلم، راولپنڈی، اسلام آباد،سرگودھااور بھکر سے پینا فلیکس ودیگر تشہیری مواد ہٹا دیا گیا۔چینوٹ، فیصل آباد، ننکانہ، قصور، لاہور اور ملتان سے بھی پینا فلیکس ہورڈنگز اتروادیئے۔
ترجمان کے مطابق صوبائی الیکشن کمشنر پنجاب اعجاز انور نے ڈسٹرکٹ مانیٹرنگ افسران کو سخت ہدایات جاری کی ہیں کہ ضابطہ اخلاق پر عملدرآمد کو ہر صورت یقینی بنایا جائے۔
Short Link: https://urdu.app.com.pk/urdu/?p=431727
