صوبے کے بیشتر علاقوں میں مطلع جزوی طور پر ابر آلود رہنے کی توقع ہے، علاقائی موسمیاتی رپورٹ

کوئٹہ۔ 13 مارچ (اے پی پی):آئندہ چوبیس گھنٹوں کے دوران کوئٹہ سمیت صوبے کے بیشتر علاقوں میں مطلع جزوی طور پر ابر آلود رہنے کی توقع ہے ۔علاقائی موسمیاتی مرکز بلوچستان کے مطابق بالائی اور وسطی و شمالی علاقوں میں رات کے وقت سردی جبکہ نشیبی علاقوں کے جنوبی علاقوں میں دن کے وقت گرمی کا امکان ہے تاہم ضلع کوئٹہ، چاغی، شیرانی، بارکھان، موسیٰ خیل، واشک، پنجگور، خضدار، ڑوب سمیت گردونواح کے کچھ علاقوں میں ہلکی بوندا باندی اور بارش ہو سکتی ہے۔ گزشتہ 24 گھنٹوں کے دوران سریاب میں (0.4) ملی میٹر بارش ہوئی۔ قلات میں سب سے کم درجہ حرارت 7 ڈگری سینٹی گریڈ ریکارڈ کیا گیا۔

Short Link: https://urdu.app.com.pk/urdu/?p=572164