اسلام آباد ۔ 12 دسمبر (اے پی پی) وزیر مملکت برائے کیپٹل ایڈمنسٹریشن اینڈ ڈویلپمنٹ ڈویژن ڈاکٹر طارق فضل چوہدری نے کہا ہے کہ طیارہ حادثہ میں جاں بحق ہونے والے افراد کی میتوں کی شناخت کا عمل جاری ہے، 11 میتیں شناخت کر کے ورثاءکے حوالے کر دی گئی ہیں۔ پیر کو پاکستان انسٹی ٹیوٹ آف میڈیکل سائنسز میں میڈیا سے گفتگو کرتے ہوئے انہوں نے کہا کہ طیارہ حادثہ میں جاں بحق ہونے والے 11 افراد کی میتوں کی شناخت ان کے پاس موجود اشیاءاور ڈینٹل ٹیسٹوں سے کی گئی ہے جبکہ دیگر 35 میتوں کے نمونے لے کر ڈی این اے ٹیسٹ کیلئے لیبارٹری بھیجے گئے ہیں۔ توقع ہے کہ 17 دسمبر تک ڈی این اے ٹیسٹ کے نتائج آ جائیں گے اور میتوں کی شناخت کا عمل مکمل ہو جائے گا جس کے بعد میتیں ان کے ورثاءکے حوالے کر دی جائیں گی۔
