- Advertisement -
اسلام آباد۔3اگست (اے پی پی):عازمین حج سے درخواستوں اور واجباتِ کی وصولی کا آغاز4 اگست (کل)سے ہو گا۔اتوار کو ترجمان مذہبی امور کی جانب سے جاری بیان کے مطابق نامزد بینکوں اور آن لائن پورٹل کے ذریعے حج درخواستیں جمع کروانے کی سہولت موجود ہے۔پہلے آئیے پہلے پائیے کی بنیاد پر رجسٹرڈ افراد سے پہلی قسط 4 تا 9 اگست وصول کی جائے گی۔نشستیں دستیاب ہونے پر 11 تا 16 اگست نئے عازمین حج بھی اپلائی کر سکیں گے،
نشستیں مکمل ہوتے ہی حج واجبات کی وصولی روک دی جائے گی۔ترجمان کے مطابق حج پیکیج 2026 ساڑھے گیارہ تا ساڑھے بارہ لاکھ کے درمیان ہو گا،حج کی قربانی (دم شکر) واجبات میں شامل ہے۔ترجمان مذہبی امور کے مطابق دوسری قسط یکم نومبر سے وصول کی جائے گی،دوبارہ حج کرنے اور عمر کی بالائی حد کی پابندی ختم ہے،یکم مارچ 2014 کے بعد پیدا ہونے والے بچے اپلائی نہیں کر سکتے۔
- Advertisement -
سے ہو گا){kind=link}