عالمی برادری غزہ کا محاصرہ اور اسرائیلی جارحیت ختم کرائے،اسماعیل ھنیہ

غزہ ۔20نومبر (اے پی پی):فلسطینی تحریک مزاحمت حماس کے سیاسی بیورو کے سربراہ اسماعیل ھنیہ نے عالمی برادری پر زور دیا ہے کہ وہ غزہ کا محاصرہ اور اسرائیلی جارحیت ختم کرائے۔

فلسطینی خبررساں ادارے کے مطابق انہوں نے غزہ کی پٹی میں اسرائیلی جارحیت کو روکنے کے لیے عرب اور اسلامی سربراہی اجلاس کی فالو اپ کمیٹی کے فوری اجلاس کے انعقاد کی اہمیت پر زور دیاہے۔ انہوں نے عرب اور مسلمان ممالک کے عہدیداروں سے بات کرتے ہوئے علاقائی اور بین الاقوامی سطح پر متعدد رہنماؤں اور حکام کے ساتھ سکولوں اور ہسپتالوں پر اسرائیلی جارحیت بارے بریفنگ دی۔

انہوں نے حال ہی میں جاری کی گئی بین الاقوامی قراردادوں پر عمل درآمد کی ضرورت پر زور دیا، انہوں نے عالم اسلام پر بھی زور دیا کہ وہ غزہ کی پٹی پرمسلط کی گئی جارحیت اور محاصرہ ختم کرانے کے لیے اپنا کردار ادا کرے۔