پیرس ۔14مئی (اے پی پی):بھارت میں کورونا وائرس سے روزانہ 4000 کے قریب افراد کی اموات کے باوجود عالمی سطح پر کورونا وائرس وبائی امراض کی مجموعی رفتار کم ہو گئی ہے،اس بات کا دعوی فرانسیسی ادارہ ابلاغ اے ایف پی نے اپنی جاری کردہ ایک ڈیٹا رپورٹ میں کیا ہے۔ اے ایف پی کے ایک خصوصی ڈیٹا بیس کے مطابق عالمی سطح پر کورونا وائرس کے یومیہ نئے کیسز کی تعداد میں چھ فیصد تک کمی اور اموات کی تعدا د میں ایک فیصد کمی آئی ہے،اے ایف پی کے مطابق ، دنیا بھر میں کویوڈ ۔19 کے دنیا بھر میں نئے روزانہ کیسوں کی تعداد گذشتہ ہفتے چھ فیصد کم ہوکر 743،900 رہ گئی ہے۔
ریاست ہائے متحدہ امریکہ اور کینیڈا میں وبائی امراض میں نمایاں21 فیصد اور یورپ میں 20 فیصد کمی واقع ہوئی ہے جبکہ مشرق وسطی میں یہ کمی 16 فیصد ریکارڈ کی گئی ہے۔ یومیہ کورونا کیسز میں سب سے زیادہ کمی ترکی میں واقع ہو رہی ہے ، جہاں گزشتہ ہفتے کے دوران یومیہ 44 فیصد کمی واقع ہوئی یا 15،100 نئے کیسز آئے ، اس کے بعد منگولیا منفی 42 فیصد یا 700 کیسز ، اردن 41 فیصد کم یا 700 کیسز ، کروشیا مائنس 35 فیصد یا 1000 اور آسٹریا منفی 31 فیصد یا 1100 ریکارڈ کیا گیا۔
دوسری طرف اس کے برعکس براعظم ایشیاء میں روزانہ نئے کورونا کیسز میں صرف دو فیصد کمی جبکہ افریقہ میں جہاں کمی صرف ایک فیصد کمی آئی ہے تاہم ڈیٹا رپورٹ کے مطابق لاطینی امریکی اور کیریبین ممالک میں نئے کیسوں کی تعداد میں پانچ فیصد اضافہ ہوا ہے۔ رپورٹ میں بتایا گیا ہے کہ مالدیپ وہ جگہ ہے جہاں وبائی مرض سب سے زیادہ تیزی سے اضافہ ہو رہا ہے حالانکہ اس کی 56 کم از کم ویکسین کی ایک ڈوز لے چکی ہے ، وہاں 106 فیصد یا روزانہ 1100 نئے کیسز سامنے آ رہے ہیں۔
پیراگوئے دنیا کا دوسرا ملک ہے جہاں ملک ہے جہاں یومیہ نئے کورونا کیسز کی شرح 53 فیصد زیادہ یا 2600 ہے، اس کے بعد جنوبی افریقہ 37 فیصد زیادہ یا 2100 ، ملائشیا 31 فیصد زیادہ یا 4300 اور یونان 30 فیصد زیادہ یا 2300 کیسز ہیں۔ادارے کے مطابق یاد رہے کہ تصدیق شدہ کیسوں کی تعداد صرف انفیکشن کی اصل تعداد کا ایک حصہ ظاہر کرتی ہے ، کیونکہ مختلف ممالک میں گنتی کے مختلف طریق کار اور جانچ کی سطح مختلف ہوتی ہے۔
بھارت سب سے زیادہ یومیہ 375،200کیسز ریکارڈ ہوئے ہیں،تاہم ایک ہفتے کے دوران کیسز کی تعداد میں تین فیصد کی کمی دیکھی گئی، عالمی سطح پر اموات کی تعداد میں اس ہفتے ایک فیصد کمی سے 12،721 ہوگئی ہے۔
