جنیوا ۔13اگست (اے پی پی):وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک نے جنیوا سوئٹزرلینڈ میں پلاسٹک آلودگی کے خاتمے سے متعلق بین الحکومتی مذاکراتی کمیٹی (آئی این سی-5.2) کے پانچویں اجلاس کے دوران سعودی عرب، قطر، متحدہ عرب امارات، قازقستان، ایران، آذربائیجان، الجزائر اور کویت کے وفود کے ساتھ تفصیلی تبادلہ خیال کیا۔
وزارت موسمیاتی تبدیلی و ماحولیاتی ہم آہنگی کی جانب سے بدھ کو یہاں جاری پریس ریلیز کے مطابق مشاورت میں ایک منصفانہ اور مؤثر عالمی پلاسٹک معاہدہ کی تشکیل، سرکلر اکانومی کے فروغ اور ترقی پذیر ممالک پر پلاسٹک آلودگی کے غیر متناسب اثرات سے نمٹنے کے لیے وسائل کی فراہمی پر غور کیا گیا۔
واضح رہے کہ یہ ملاقاتیں پاکستان کی وسیع تر سفارتی کاوشوں کا حصہ ہیں جن کا مقصد ماحولیاتی انصاف پر مبنی عالمی اتفاقِ رائے پیدا کرنا اور پائیدار ترقی کے لیے شراکت داری کو مضبوط بنانا ہے۔
