اسلام آباد۔12جنوری (اے پی پی):وفاقی وزیر اطلاعات و نشریات چوہدری فواد حسین نے کہا ہے کہ عثمان مرزا ،جی ٹی روڈ ریپ کیس اور جتوئی کیس ہمارے نظام انصاف کیلئے چیلنج ہیں۔
بدھ کو اپنے ایک ٹویٹ میں انہوں نے کہا کہ سوال یہ ہے کہ یہ کیس روزانہ کی بنیاد پر کیوں نہیں چل رہے اور ان کو عمومی مقدموں کے طور پر کیوں لیا جا رہا ہے؟ پراسیکیوشن اور عدالت اپنی ذمہ داری نبھائیں۔ انہوں نے کہا کہ ان کیسز کو منطقی انجام تک پہنچانا ریاست کا فرض ہے۔
