عسیر میں طالبات کی بس کو حادثہ،23 زخمی

عسیر۔8فروری (اے پی پی):سعودی عرب کے شہر کے علاقے تنومہ میں سکول بس کو حادثے کے نتیجے میں 23 طالبات زخمی ہوگئیں جن میں سے ایک کی حالت نازک بتائی جاتی ہے۔عکاظ اخبار کے مطابق بس ڈرائیور کے قابو سے باہر ہو کر پہاڑ سے ٹکرا گئی۔ حادثے کی اطلاع ملتے ہی شہری دفاع اور ہلال احمر کے امدادی یونٹس جائے وقوعہ پر پہنچ گئے۔ابتدائی طبی امدادی یونٹس نے حادثے میں شدید زخمی ہونے والی ایک طالبہ کو طبی امداد فراہم کرتے ہوئے اسے فوری طورپر ہسپتال منتقل کردیا جبکہ یونٹ کے دیگر اراکین نے معمولی زخمی طالبات کو ان کی حالت کے مطابق علاج معالجہ فراہم کردیا گیا ہے۔ سعودی ہلال احمر ذرائع نے کہا ہے کہ زخمی طالبات میں سے 8 کو درمیانے درجے کے زخم آئے جبکہ 14 طالبات معمولی زخمی ہوئیں۔

Short Link: https://urdu.app.com.pk/urdu/?p=557369