اسلام آباد۔28جنوری (اے پی پی):علامہ اقبال اوپن یونیورسٹی نے دنیا بھر میں مقیم اوورسیز پاکستانی اور انٹرنیشنل طلبہ کے لئے سمسٹر بہار 2025ء میں 80 سے زائد تعلیمی پروگرامز پیش کئے ہیں، ان پروگرامز میں داخلہ حاصل کرنے کی آخری تاریخ 10 فروری مقرر کی گئی ہے۔ان پروگرامز میں میٹرک، ایف اے، آئی کام، ایسوسی ایٹ ڈگری ان(آرٹس، کامرس، ایجوکیشن)، بی ایس پروگرامز، ڈیڑھ، اڑھائی اور چار سالہ بی ایڈ پروگرامز اور 12 مضامین میں ڈپلومہ پروگرامز شامل ہیں۔
یونیورسٹی انٹرنیشنل طلبہ کے لئے تعلیمی پروگرامز آن لائن مینجمنٹ سسٹم کے تحت پیش کر رہی ہے۔داخلے سے لے کر امتحانات تک تمام تعلیمی سرگرمیاں آن لائن ہوں گی۔آن لائن امتحانات کی مانیٹرنگ کے لئے ایم ایس ٹیمز یا اتھارٹی کی جانب سے منظور شدہ مانیٹرنگ ایپلی کیشن استعمال کی جائے گی۔داخلے کے لئے http://fmbp.aiou.edu.pk لنک پر آن لائن اپلائی کیا جا سکتا ہے۔واضح رہے کہ انٹرنیشنل طلبہ کی سہولت کے لئے وائس چانسلر پروفیسر ڈاکٹر ناصر محمود نے یونیورسٹی میں انٹر نیشنل کولیبر یشن اینڈ ایکسچینج آفس کو فعال کرکے بااختیار بنایا ہے جو انٹرنیشنل طلبہ کے ساتھ ہمہ وقت رابطے میں رہتا ہے
اور اُنہیں بھرپور راہنمائی فراہم کرتا ہے۔یونیورسٹی کے وائس چانسلر پروفیسر ڈاکٹر ناصر محمود نے انٹرنیشنل طلبہ کے داخلوں کے حوالے سے بات کرتے ہوئے بتایا ہے کہ تعلیمی دائرہ کار پھیلانے کے نتیجے میں علامہ اقبال اوپن یونیورسٹی پوری دنیا میں پاکستان کا نام روشن کر رہی ہے، اب تک 37 ممالک سے 1007 طلبہ داخل ہو چکے ہیں، ہماری کوشش ہے کہ آئندہ پانچ سالوں میں اس تعداد کو پانچ ہزار تک پہنچایا جائے۔بیرون ملک مقیم پاکستانی اور انٹرنیشنل طلبہ مزید تفصیلا ت کے لئے انٹر نیشنل کولیبر یشن اینڈ ایکسچینج آفس سے ای میل overseas@aiou.edu.pk یا فون نمبر 92519572495 + پر رابطہ کر سکتے ہیں۔
Short Link: https://urdu.app.com.pk/urdu/?p=552738
