ملتان۔ 21 فروری (اے پی پی):علامہ اقبال اوپن یونیورسٹی نے سمسٹر بہارکےداخلوں میں لیٹ فیس کے ساتھ پانچ مارچ تک توسیع کر دی گئی ہے۔ علامہ اقبال اوپن یونیورسٹی کے ریجنل ڈائریکٹر ملتان غلام حسین کھوسہ نے جمعہ کو بیان میں بتایا کہ جامعہ کے پیش کئے گئے پروگراموں میٹرک(جنرل)،میٹرک (درس نظامی)،میٹرک اوپن کورسزبرائے دینی مدارس طلبہ،چھ ماہ کے سرٹیفکیٹ و ڈپلوماز،ایف اے(جنرل)،ایف اے (درس نظامی)،آئی کام،ایف اے اوپن کورسز برائے دینی مدارس طلبہ،ایف اے /ایف ایس سی،بی اے /بی ایس سی،بی ایس /ایم اے /ایم ایس سی کی بنیاد پر بی ایڈ ٹیچر ٹریننگ پروگرام(چار سالہ،اڑھائی سالہ اورڈیڈھ سالہ)،ایف اے /ایف ایس سی،بی اے /بی ایس سی اور ایسوسی ایٹ ڈگری کی بنیاد پر بی ایس پروگرام(چار سالہ،اڑھائی سالہ اوردو سالہ)،بی بی اے(چار سالہ،اڑھائی سالہ اوردو سالہ)،پوسٹ گریجویٹ ڈپلوماز،بی اے جنرل (ایسوسی ایٹ ڈگری ان آرٹس)،بی کام(ایسوسی ایٹ ڈگری ان کامرس) اوربی اے اوپن کورسزبرائے دینی مدارس کے سمسٹر بہار کے داخلوں میں لیٹ فیس کے ساتھ پانچ مارچ تک توسیع کر دی گئی ہے۔
انہوں نےبتایا کہ میٹرک،ایف اے/آئی کام،ایسوسی ایٹ ڈگری اوربی ایڈپروگرامزمیں طلبہ آن لائن یا داخلہ فارم پر اپلائی کر سکتے ہیں جبکہ دیگر پروگرامز میں داخلے آن لائن اپلائی کر یں گے،آن لائن اپلائی کے لیے علاقائی کیمپس واقع شاہ رکن عالم کالونی ملتان میں فرنٹ ڈیسک بھی قائم کیا گیا ہے، جہاں سے طلبہ کسی بھی اضافی فیس کے بغیر آن لائن داخلہ اپلائی کروا سکتے ہیں۔
مزیدبرآں یہ کہ تمام طلبہ داخلہ فیس الائیڈ بینک لمٹیڈ،مسلم کمرشل بینک لمٹیڈ،فرسٹ وویمن بینک لمٹیڈ اور نیشنل بینک آف پاکستان کی کسی بھی برانچ یاجاز کیش،ایزی پیسہ اور یو پیسہ کے ذریعے بھی جمع کروا سکتے ہیں۔ یونیورسٹی کے تمام پراسپیکٹس یونیورسٹی ہذا کی ویب سائٹ www.aiou.edu.pkسے بھی ڈاؤن لوڈ کئے جا سکتے ہیں۔داخلوں کے بارے میں مزید معلومات فون نمبر9220201۔061اور9330410۔061سےبھی لی جا سکتی ہیں۔
Short Link: https://urdu.app.com.pk/urdu/?p=564477
