علامہ اقبال اوپن یونیورسٹی کے میٹرک، ایف اے کے امتحانات 3مارچ سے شروع ہوں گے

اسلام آباد۔14فروری (اے پی پی):علامہ اقبال اوپن یونیورسٹی کے سمسٹر خزاں 2024ء کے میٹرک، ایف اے اور آئی کام پروگراموں کے فائنل امتحانات ملک کے چاروں صوبوں بشمول گلگت بلتستان اور آزاد جموں و کشمیر میں بیک وقت 3مارچ سے شروع ہوں گے۔

ان امتحانات کی ڈیٹ شیٹ یونیورسٹی کی ویب سائٹ www.aiou.edu.pkپر فراہم کردی گئی ہے جبکہ رول نمبر سلپس طلبہ کے سی ایم ایس پورٹلز پر اپ لوڈ کی جا رہی ہیں۔

جاری کردہ ڈیٹ شیٹ کے مطابق امتحانات 3مارچ سے 28مارچ تک بلا تعطل جاری رہیں گے۔ 29مارچ سے 2اپریل تک عیدالفطر کی چھٹیاں ہوں گی۔ عید کے بعد پہلا پیپر 3اپریل کو ہوگا اور یہ امتحانات 11اپریل تک جاری رہیں گے۔

Short Link: https://urdu.app.com.pk/urdu/?p=560804