اسلام آباد۔30ستمبر (اے پی پی):نگران وفاقی وزیر برائے اطلاعات و نشریات مرتضیٰ سولنگی نے عوامی جمہوریہ چین کے قومی دن کے موقع پر مبارک باد کا پیغام دیا ہے۔ چین کے سرکاری دورے سے وطن واپسی کے موقع پر بیجنگ میں چائنا میڈیا گروپ کی اردو سروس سے خصوصی گفتگو کرتے ہوئے مرتضیٰ سولنگی نے کہا کہ وہ خوشی کے اس موقع پرچینی دوستوں کو مبارک باد پیش کرتے ہیں۔
انہوں نے توقع ظاہر کی موجودہ سال اور آنے والے برسوں میں پاکستان اور چین کے تعلقات کامیابیوں کے مزید سنگ میل عبور کریں گے۔ انہوں مزید کہا کہ ہر گزرتے دن کے ساتھ پاکستان اور چین کے تعلقات پہلے سے زیادہ مضبوط اور شاندار ہوں گے۔
