29.4 C
Islamabad
جمعہ, اپریل 4, 2025
ہومبین الاقوامی خبریںغزہ میں فلسطینیوں کی نسلی صفائی کی تیاری کی جارہی ہے ،...

غزہ میں فلسطینیوں کی نسلی صفائی کی تیاری کی جارہی ہے ، ایران

- Advertisement -

تہران ۔4فروری (اے پی پی):ایران نے امریکی صدر ڈونلڈ ٹرمپ کے غزہ سے فلسطینیوں کو زبردستی پڑوسی ملکوں میں بھیجنے کے منصوبے کو غزہ سے فلسطینیوں کی نسلی تطہیر کا منصوبہ قرار دیا ہے۔

العربیہ کے مطابق ایران کی وزارت خارجہ کے ترجمان اسماعیل بقائی نےایک بیان میں کہا کہ بین الاقوامی برادری کو فلسطینیوں کو اس نسلی تطہیر سے بچانے کے لئے اپنی ذمہ داریاں ادا کرنا چاہییں اور فلسطینیوں کو ان کی سرزمین سے نکالنے کے بجائے ان کا حق خود ارادیت دلوانا چاہیے۔

- Advertisement -

فلسطینیوں کو غزہ سے نکالنے کا منصوبہ ان کی نسلی تطہیر کے مترادف منصوبہ ہے۔اسماعیل بقائی نے کہا کہ فلسطینیوں کی نسلی تطہیر کا یہ منصوبہ ایک نوآبادیاتی نظام کا تسلط ہوگا۔ترجمان نے کہا کسی اور فریق کا یہ حق نہیں ہے کہ وہ فیصلہ کریں کہ انہیں کہاں رہنا ہے۔

یہ فلسطنیوں کا حق ہے کہ وہ فیصلہ کریں کہ انہیں کہاں رہنا ہے۔واضح رہے ایران نے اسرائیل کو ایک جائز ریاست کے طور پر تسلیم نہیں کیا ہے۔ نہ ہی اسرائیل کے ساتھ سفارتی تعلقات قائم کئے ہیں۔ بلکہ اسرائیل اور ایران دونوں ایک دوسرے کو اپنا دشمن قرار دیتے ہیں۔

Short Link: https://urdu.app.com.pk/urdu/?p=555740

- Advertisement -
متعلقہ خبریں
- Advertisment -

مقبول خبریں