لاہور۔23اپریل (اے پی پی):ڈی جی ایل ڈی اے طاہر فاروق کی ہدایات پر ایل ڈی اے ٹائون پلاننگ ونگ غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔ ایل ڈی اے ٹیموں نے مختلف سکیموں اور ایل ڈی اے کنٹرولڈ ایریا میں آپریشن کر کے123املاک سربمہر کر دیں، ٹیموں نے ڈیفنس روڈ،گلبرگ، نیو گارڈن ٹائون، وحد ت روڈ، سبزہ زار، گجرپور ہ میں کارروائیاں کیں۔
ایل ڈی اے ٹیموں نے آپریشن کے دوران غیر قانونی کمرشل استعمال،کمرشل فیس کی عدم ادائیگی پرڈیفنس روڈ پر56،گلبرگ، نیو گارڈن ٹائون میں 27،گجرپور ہ میں 8املاک، وحدت روڈ، سبزہ زار میں 32املاک سربمہر کیں۔سیل کی گئی املاک میں نجی سکول،ہارڈ ویئر سٹور،ریستوران، سینٹری سٹور، الیکٹرک سٹور، ورکشاپ، فو ڈ پوائنٹ، دکانیں، دفاتر ودیگر شامل ہیں۔ آپریشن چیف ٹائون پلانرون اسد الزمان اور چیف ٹائون پلانر ٹو اظہر علی کی زیر نگرانی کیا گیا۔
Short Link: https://urdu.app.com.pk/urdu/?p=586655
